Талапкермен сотқа жүгіну мерзімі өтіп кеткен

Талдықорған гарнизонының әскери сотымен арыз беруші Турдыбекова жауапкерлер Үшарал аудандық пайдалану бөліміне бұзылған құқығын толық қалпына келтіру, бұзылған құқығын қалпына келтіру үшін  05.05.2014 жылғы Үшарал гарнизонының тұрғын үй комиссиясының шешімін бұзуды міндеттеу туралы азаматтық іс қаралды.

Сот талқылауы барысында анықталғаны, 08.07.2014 жылғы жекешелендіру шартына сәйкес Турдыбекова Алматы облысы Алакөл ауданы Үшарал қаласында орналасқан қызметтік үйге меншік құқығына иеленді.

Әділет органының деректеріне сәйкес 15.07.2014 жылы Турдыбекованың атынан Алматы облысы Алакөл ауданы Үшарал қаласында орналасқан жылжымайтын мүлік меншік құқығы тіркелді.

Осыған қарамастан, 05.05.2014 жылғы Үшарал гарнизонының тұрғын үй комиссиясының шешімімен, 40398 ә/б сержанты Жартановқа Алматы облысы Алакөл ауданы Үшарал қаласында орналасқан екі бөлмелі қызметтік пәтер бөлінді.

Жауапкерлер үш айлық сотқа жүгіну тәртібі аяқталғанына байланысты арызды қанағаттандырусыз қалдыруды өтінді, өйткені Үшарал гарнизонының тұрғын үй комиссиясының шешім шығарғанына 2 жыл мерзімі өтіп кеткен.

Сотқа жүгіну мерзімі өтіп кеткеніне байланысты, сот арызды қанағаттандырудан бас тартты.                                                                                                                                                                                                                                                                                                                                                                           Шешім заңды күшіне енген жоқ.