Архив событий

Қылмыстық істер жөніндегі мамандандырылған ауданаралық әскери соты Қазақстан Республикасы Қорғаныс министрлігінің лауазымды қызметкерлеріне қатысты қылмыстық істі қарауын аяқтады. Сотталғандар  Қазақстан Республикасы Қарулы Күштерінің әскерилерді пәтерлерге орналастыру Бас басқармасының және Қазақстан Республикасы Қорғаныс Министрлігінің бюджеттік жоспарлау және қаржы департаментінің офицерлері арасынан, сондай-ақ жеке кәсіпкер құрамындағы ұйымдасқан қылмыстық топ құрғанына кінәлі деп танылды.

Алматы гарнизоны Әскери сотының судьясы Қ.Естай 68602 әскери бөлімінің офицерлері мен келісім-шарт бойынша әскери қызметшілерімен жұмыс кездесу өткізді.

Семей гарнизоны әскери сотымен пара алған үшін Семей қаласының қорғаныс істері басқармасы бастығы «Ы» және оның сыбайласы «Т» қатысты үкім оқылды.

Өскемен гарнизоны әскери сотының 2017 жылдың 1 жартыжылдығына арналған Жоспарына сәйкес, Қазақстан Республикасы Қорғаныс Министрлігі Өскемен қаласы әскери лазаретінің ғимаратында аталған мемлекеттік мекеме әскери қызметкерлерінің қатысуымен «Ашық есік күні» өткізілді. 

Шара барысында, сот төрағасы Д.В.Баймакулов әскери қызметкерлерге әскери қызметке қабылдану және әскери қызметтен босату туралы, сондай-ақ әскери қызметкерлер мен олардың отбасыларына тұрғын үйді жалға алуға төленетін жәрдемақы төлеу туралы сауалдарға жауап берді.

Талдықорған гарнизонының әскери сотында сот төрағасы Қ.М.Байдуақасовтың төрағалық етуімен, гарнизон прокуроры әділет подполковнигі Е.А.Сыбанбаев, прокурордың аға көмекшісі әділет подполковнигі А.В.Султанкулов, Алматы облысының  аймақтық жеке сот орындаушылар палатасының сот орындаушысы Е.Т.Намазбаевтың қатысуларымен «Сот актілерін орындау, проблемалық сұрақтар» тақырыбында дөңгелек үстел өткізілді.