Сс, 07/03/2017 - 11:19
Шымкент гарнизоны әскери сотымен келісім шарт бойынша әскери қызметші «Е» мен оның әпкесі «В»-ға қатысты Қазақстан Республикасы Қылмыстық кодексінің 131-бабы 1 тармағымен қозғалған жеке айыптау туралы қылмыстық ісі қаралды.
Іс бойынша анықталғандай, жеке айыптаушы «А» сотқа айыпталушы «Е» мен «В»-ны абыройы мен қадір қасиетін әдепсіз түрде кемсіткен үшін қылмыстық жауапкершілікке тарту туралы шағым берді. 2016 жылы шілде айында «А»-ны еркінен тыс үйлеріне алып қашып, «Е»-ге қалындық болуға көндірген. Бірінші неке түннен кейін жазықсыз жәбірленуші «А»- ның абыройы мен қадiр-қасиетiн әдепсiз түрде кемсiткен. Жәбірленуші «А» дәрігер-гинеколгпен тексеріліп, сараптама қорытындысына сәйкес «А»-ның абыройсыз екені өз дәлелін таппаған. Соған қарамастан жеке айыпталушылар «Е» мен «В» жәбірленуші «А»-ның абыройы мен қадір қасиетін әдепсіз түрде кемсітетін сөздерін айтуын тоқтатпаған. Сот отырысы барысында «Е» мен «В» кінәларын мойындамай, «А»-мен татуласу рәсімнен бас тарты.
Шымкент гарнизоны әскери сотының үкімі негізінде «Е» мен «В» Қазақстан Республикасы қылмыстық кодексінің 131 бабының 1 тармағымен теріс қылық жасағаны үшін кінәлі деп табылып, жаза ретінде тиісті «Е»-ге 20 АЕК, ал «В»-ға 30 АЕК мөлшерінде айыппұл тағайындалған.
Сотталушылар «Е» және «В» үкіммен келіспей апелляциялық сот алқасына шағымданған. Сотталушылардың шағымы апелляциялық алқасымен қанағаттандырусыз қалдырылған.
Үкім заңды күшіне енді.