Бс, 30/11/2023 - 13:15
Қылмыстық істер жөніндегі сот алқасымен бұзақылық ниетпен денсаулыққа қасақана ауырлығы орташа зиян келтiрген әскери қызметші Б.-ға қатысты үкім апелляциялық тәртіпте қайта қаралды. (ҚР ҚК-нің 107-бабының 2-бөлігінің 1,5-тармақтары)
Бірінші сатылы соттың үкімімен әскери қызметші Б., кінәлі деп танылып, сотпен 500 АЕК (1 725 000 теңге) мөлшерінде айыппұл түрінде жаза тағайындалған. Сонымен қатар, жәбірленушілер пайдасына жалпы 1 000 000 (бір миллион) теңге көлемінде моральдық зиян өндірілген.
Сотталушының кінәсі сотталғанның өзі мойындаған айғақтарымен, жәбірленушілер мен куәгерлердің айғақтарымен, сараптамалардың қорытындыларымен, оқиға болған жерді тексеру хаттамаларымен дәлелденген.
Сотпен анықталғаны;
Сотталушы Б. ағымдағы жылы 11 ақпанда сағат 02.00 шамасында «Ева» түнгі клубының жанында бұзақылық ниетпен жәбірленуші ерлі-зайыпты Ч.-ға қасақана орташа ауырлықтағы дене жарақатын келтірген.
Қылмыстық істер жөніндегі сот алқасының қаулысымен үкімнің мемлекеттік баж салығын өндіру бөлігінде өзгертіліп, оның мөлшері 1 750 теңгеге дейін азайтылды.
Сонымен қатар, сотталушы Б.,-дан жәбірленушілер пайдасына 400 000 теңге көлемінде өкілдік ақы төлеу жөніндегі шығындар өндірілді.
Үкімнің қалған бөлігі өзгеріссіз қалдырылды.
Қаулы заңды күшіне енді.