Бс, 22/06/2017 - 19:51
Ақтау гарнизоны әскери сотында талапкер Х. жауапкер ҚР ҰҚК ШҚ Жағалау күзеті «2018 әскери бөлімі» РММ-нен тұрғын үйді өтеусіз жекешелендіру құқығының өтемақысын өндіру туралы азаматтық іс қаралды.
Сот отырысында анықталғаны, 2018 әскери бөлімінің тұрғын үй комиссиясының хаттамасымен тұрғын үйді өтеусіз жекешелендірудің орнына өтемақы алуға Х.-ның құқығы танылды.
2018 әскери бөлімі командирінің 22.08.2016 жылғы бұйрығының №1 қосымшасына Х. ақшалай өтемақы төленетен әскери қызметшілердің тізіміне енгізілген. Алайда жауапкермен ақшалай өтемақы осы күнге дейін төленбеген, орын алған жайт талапкерге сотқа талап арызбен жүгінуге мәжбүр болған .
Ақтау гарнизоны әскери сотының шешімімен талапкердің талап арызы қанағаттандырылды.
Шешім заңды күшіне енген жоқ.